LIVE TV
അന്യ ഭാഷകളിൽ നിന്ന് നിരവധി നായികമാർ എത്താറുള്ള ഇൻഡസ്ട്രിയാണ് മലയാളം സിനിമാ മേഖല. ബോളിവുഡിൽ നിന്ന് കത്രീന കൈഫ് മുതലുള്ള താരങ്ങൾ മലയാള സിനിമയിൽ നായികയായി തിളങ്ങിയിട്ടുണ്ട്. 2000ത്തിൽ സൗത്ത് ഇന്ത്യയിൽ തിളങ്ങി നിന്ന നായികമാരിൽ ഒരാളാണ് ഉമ ശങ്കരി. കുബേരന് എന്ന ചിത്രത്തിലൂടെ മലയാളി പ്രേക്ഷകര്ക്ക് പരിചിതയായ ഉമാ ശങ്കരിയുടെ ആരോഗ്യ സ്ഥിതിയെക്കുറിച്ചുള്ള വാർത്തകളാണ് ഇപ്പോൾ ശ്രദ്ധ നേടുന്നത്.
തനിക്ക് ബ്രസ്റ്റ് കാന്സര് ആണെന്ന് സ്ഥിരീകരിച്ചതായി ഉമ ശങ്കരി ഇന്സ്റ്റഗ്രാം പോസ്റ്റിലൂടെ നേരത്തെ അറിയിച്ചിരുന്നു. ഒട്ടും പ്രതീക്ഷിക്കാതെ വന്ന അസുഖം, ആദ്യം ഷോക്കായിരുന്നു, എന്തിന് ഇപ്പോള്, എന്തുകൊണ്ട് എനിക്ക് എന്നൊക്കെയുള്ള ചോദ്യം ആദ്യം വന്നുവെങ്കിലും, ഇപ്പോള് താന് അതിനെ ഉള്കൊള്ളുന്നു എന്നും, ധൈര്യത്തോടെ നേരിടാന് തയ്യാറായി എന്നും ഉമ പറഞ്ഞിരുന്നു. ഇപ്പോഴിതാ രണ്ടാം ഘട്ട കീമോ പൂർത്തിയായ വിവരം ആരാധകർക്കൊപ്പം പങ്കിടുകയാണ് നടി.
'കീമോ ചികിത്സയുടെ രണ്ടാം ഘട്ടം; ഓരോ ദിവസത്തെയും അതിനനുസരിച്ച് നേരിട്ടാണ് ഞാൻ മുന്നോട്ട് പോകുന്നത്.
പ്രയാസകരമായ ദിവസങ്ങളെ എങ്ങനെ കൈകാര്യം ചെയ്യണമെന്ന് ഞാൻ പഠിക്കുന്നു; ഒപ്പം, കരുത്ത് തോന്നുന്ന ദിവസങ്ങളെ സന്തോഷത്തോടെ ആഘോഷിക്കുകയും ചെയ്യുന്നു. എപ്പോഴും കൂടെ നിൽക്കുന്ന കുടുംബത്തിനും, സ്നേഹവും പിന്തുണയും നൽകുന്ന ആരാധകർക്കും നന്ദി.
ഞാൻ ചികിത്സയിൽ സജീവമായി തുടരുന്നു, സുഖം പ്രാപിക്കുന്നു, ഒപ്പം പുരോഗതിയിൽ ശ്രദ്ധ കേന്ദ്രീകരിക്കുകയും ചെയ്യുന്നു.
പുരോഗതി എല്ലായ്പ്പോഴും സമ്പൂർണ്ണമായിരിക്കണമെന്നില്ല, പക്ഷേ അത് യാഥാർത്ഥ്യമാണ്,' ഉമ പറഞ്ഞു.
തമിഴ് - തെലുങ്ക് സിനിമകളില് പരിചിതയായിരുന്ന നടി കുബേരന് ശേഷം വസന്തമല്ലിക, സാഫല്യം, ഈ സ്നേഹതീരത്ത് എന്നീ സിനിമകളിലൂടെയും മലയാളത്തിലെത്തി. വിവാഹത്തിന് ശേഷം അഭിനയത്തില് നിന്ന് ഒരു ബ്രേക്ക് എടുത്തിരുന്നു നടി. ഏകദേശം മുപ്പതോളം സിനിമയിൽ ഉമ അഭിനയിച്ചു. അതിന് ശേഷം സീരിയലുകളിൽ സജീവമായിരുന്നു നടി.
Content Highlights: Actress Uma Shankari, known for her role in Kuberan, has shared an encouraging health update after successfully completing her second round of chemotherapy. She expressed gratitude to her fans and well-wishers for their unwavering support and prayers throughout her treatment journey.
